БИШКЕК, 24-дек. — Sputnik. Коронавирус менен ооруп айыккан кишинин иммундук эс тутуму кеминде сегиз айга чейин сакталат. Бул тууралуу "Известия" австралиялык окумуштууларга таянуу менен жазды.
Илимий иштин жүрүшүндө изилдөөчүлөр SARS-CoV-2 коронавирусу организмди оорудан коргой турчу В клеткаларын узак убакыт пайда кыларын аныктаган. Бул организмди илдеттен оолак гана кылбастан, кайра жуктурган учурда мурдагыдай катаал кесепеттерин тийгизбейт.
23 Бештин айы 2020, 09:04
Изилдөөгө катышкандардын канын текшергенде антителосунун саны ооруга кабылгандан 20 күндөн кийин азая баштаган. Анткен менен В клеткасы сегиз айга чейин сакталган.
Буга чейин кыргызстандык пульмонолог Талант Сооронбаев коронавирусту жеңгенден кийин аны кайра жуктуруп алам деп коркпош керектигин, анын антителосу көпкө чейин сакталарын айткан.
