Бир эркек менен эки өспүрүм Бишкектеги Горький көчөсүндө токтоп турган автоунааны уурдай качты деп шектелүүдө. Бул тууралуу калаанын Октябрь райондук милициясынан билдиришти.
Honda Fit автокөлүгү 16-декабрда саат 3:00 менен 6:00дөр ортосунда уурдалган.
23 Тогуздун айы 2020, 16:09
Кожоюну кайрылган соң укук коргоо органдары КР Жазык кодексинин 206-беренесине ("Автотранспорт каражатын уурдоо") ылайык сотко чейинки өндүрүштү баштаган.
Кылмышка шектүү катары 28 жаштагы бир киши жана эки өспүрүм кармалды. Чоң киши Бишкек ШИИБинин убактылуу кармоо жайына киргизилип, өспүрүмдөр жашы жете электигине байланыштуу милдеттенмелер жүктөлүп, үйүнө жиберилди.
Милиция бул жарандардын башка кылмыштарга тиешеси бары-жогун иликтеп жатат.
