БИШКЕК, 21-дек. — Sputnik. Үстүбүздөгү жылдын январь-сентябрь айларындагы ЕАЭБ мамлекеттери менен Индиянын соода жүгүртүүсү тогуз миллиард долларды түздү. Бул тууралуу Евразия экономикалык комиссиясынын Соода саясаты департаментинин директорунун орун басары Михаил Черекаев билдирди.
Ал ЕАЭБ менен Индиянын соода-экономикалык кызматташуусунун перспективалары жөнүндөгү конференцияга катышты. Анын айтымында, Индия өткөн жылдын жыйынтыгы боюнча дүйнөдөгү беш ири экономиканын катарын толуктайт.
"Үстүбүздөгү жылдын 9 айында соода жүгүртүү 9 миллиард долларды түзүп, өткөн жылдын ушул эле мезгилине салыштырмалуу 2,9 пайызга төмөндөгөн. ЕАЭБ ичинен бул өлкөгө импорт менен экспортту эң көп жасаган — Россия", - деди Черекаев.
Ал агро өнөр жай комплекси менен өнөр жай продукциясынын экспорту боюнча маалыматтарды келтирди:
Өнөр жай жаатындагы экспорт – Россия — 85,8, Казакстан — 12, Беларусь 3 пайыз, Кыргызстан менен Арменияныкы пайыздык үлүш.
Агро өнөр жай комплекси – Россия 99 пайыз, Кыргызстан менен Казакстандыкы биригип 1 пайыз.
