БИШКЕК, 19-дек. — Sputnik. Жекшемби күнү, 20-декабрда, күндүз Ош, Жалал-Абаддын көпчүлүк райондорунда, Чүй, Талас, Баткен облустарынын кээ бир жерлеринде кар жаайт. Ал эми Ысык-Көл менен Нарында күн ачык болот. Бул тууралуу Кыргызгидромет билдирди.
Жолдор тоңуп, тайгак болот. Батыштан соккон шамалдын ылдамдыгы секундасына 4-9 метрге жетет.
Абанын температурасы Чүйдө 0...-5, Талас аймагында -1...+4, Ош, Жалал-Абад, Баткен облустарында +2...+7, Ысык-Көлдө 0...+5, Нарын жергесинде -5...-10 градус болору айтылды.
Бул күнү Бишкек менен Ош шаарларында бир аз кар жаайт. Термометр борбор калаада 0...+2, Ошто +4...+6 градусту көрсөтөт.
