Путинге кат жазып, Кремлдин көңүлүн бурган окуучунун маеги. Видео

Жазылуу
Кыргызстандык окуучу Рустам Ташматов Владимир Путинге жолдогон каты жана эмне себептен "Газпром" менен "Роснефть" компанияларынын акцияларын сураганын айтып берди.

Рустам Ташматов бир нече жыл катары менен жаңы жыл алдында Кыргызстандын президенти Сооронбай Жээнбековго кат жазган. Ал отставкага кетип, жаңы башчыны шайлоо алдында Россиянын президенти Владимир Путинге кат жазууну чечкен.

"Мен аны келе жаткан жаңы жылы менен куттуктап, белекке тула пряниктерин, термокружка жана "Газпром" менен "Роснефть" компанияларынын акцияларын сурагам. Атамдын брокер досу акционер болуу абдан кирешелүү экенин айткандан кийин акциялуу болгум келген", — деди окуучу.

Ал ошондой эле тула пряниктерин ооз тийип көрүүнү кыялданарын айтты.

"Тула пряниктерин жеп көргөн эмесин. Интернеттен анын даярдалышын көрүп калдым. 50, 100, 150 килограммдык пряниктер болот экен. Эл аны абдан даамдуу деп айтышат. Эгер мага чоң пряник белекке беришсе баарыңыздарга берем", — деди Ташматов.

Росскызматташтыктын өкүлдөрү жеткинчекти амбициясы үчүн макташып, ал мектепти аяктаган соң өзү кызыккан тармак боюнча ЖОЖго тапшырып, билим алат деп ишенишерин билдиришкен. Мындан сырткары, Кремлден балага белек жөнөтүлгөн, жакынкы аралыкта тапшырылат.

Жаңылыктар түрмөгү
0