БИШКЕК, 18-дек. — Sputnik. Былтыркы жылга салыштырмалуу 2020-жылы каза болгон кыргызстандыктар 5,5 миңге көп болгонун Мамлекеттик каттоо кызматы билдирди.
Мындай көрсөткүч эмне менен байланыштуу экени тактала элек, бирок быйыл 1 324 адам коронавирусту жуктуруп каза болгону белгилүү.
Быйыл жарандык абалдын актылары (ЖАА) жылдын 11 айы боюнча төмөнкүчө катталган:
- 143 401 төрөлгөндүгү тууралуу күбөлүк берилген;
- 35 740 каза болгондугу тууралуу күбөлүк берилген;
- 34 905 нике тууралуу күбөлүк берилген;
- 17 500 аталыгы аныкталганы боюнча күбөлүк берилген;
- 17 миңге чукул жаран аты-жөнүн алмаштырган күбөлүк берилген;
- 8 000 ажырашканы боюнча күбөлүк берилген;
- 674 асырап алуу тууралуу күбөлүк берилген.
Былтыркыга караганда быйыл Мамкаттоо ар кыл актыларды 40 миңге аз каттаган. 2019-жылы ал көрсөткүч 257 320 болгон.
