БИШКЕК, 18-дек. — Sputnik. Ноябрь айында коронавирус менен күрөшүүгө жети миң медайым жана санитарка тартылган. Бул тууралуу өкмөттүн маалымат кызматы кабарлады.
Билдирмеге караганда, өткөн айда оору менен күрөшүүгө 141 саламаттык сактоо уюмунан 7 319 медайым жана санитарка тартылып, алар оорунун очогунда иштешкен. Октябрь айына салыштырмалуу 2 483кө көбүрөөк медик кызмат кылган.
"Ноябрь айында компенсациялык төлөмдөр да көп берилген. Тагыраагы, милдеттүү медициналык камсыздандыруу фонду медиктердин кошумча акчасына 52 миллион 225 миң сом короткон", — деп айтылат маалыматта.
Ишке тартылган медиктердин саны жана төлөнгөн компенсациянын суммасы:
Бишкек
- 1 342 медайым, 444 санитарка — 43 млн. 52 миң сом;
Ош
- 1 046 медайым, 659 санитарка — 32 млн. 24 миң сом;
Чүй облусу
- 552 медайым (9 млн. 235 миң сом) жана 263 санитарка (5 млн. 395 миң сом);
Баткен облусу
- 361 медайым (6 млн. 815 миң сом) жана 214 санитарка (3 млн. 929 миң сом);
Жалал-Абад облусу
- 842 медайым (14 млн. 245 миң сом) жана 418 санитарка (8 млн. 335 миң сом);
Ысык-Көл облусу
- 351 медайым (7 млн. 633 миң сом) жана 248 санитарка (5 млн. 150 миң сом);
Нарын облусу
- 152 медайым (2 млн. 105 миң сом) жана 92 санитарка (1 млн. 292 миң сом);
Талас облусу
- 232 медайым (4 млн. 688 миң сом) жана 103 санитарка (2 млн. 29 миң сом).
