БИШКЕК, 17-дек. — Sputnik. Бишкек шаарында жаа атуу боюнча Кыргызстандын чемпионаты өтөт. Бул тууралуу Жаштар иши, дене тарбия жана спорт агенттигинин маалымат кызматы кабарлады.
Мелдеш 19-декабрда "Билимкана АУЦА" мектебинин спорт залында өтөт.
Спорттук иш-чара жаа атууну өнүктүрүүгө, өспүрүмдөрдү жана жаштарды дени сак жашоого тартууга багытталган.
Турнирге төмөнкү категориядагылар катыша алат;
- Чоңдор — 18 жаштан өйдө курактагы эркектер жана кыз-келиндер;
- 2005-жылы туулган же андан кичирээк улан-кыздар;
- Кадеттер MIX;
- Ар кандай курактагы ышкыбоздор (спорт менен жаңы машыгып баштагандар).
Мелдеш Спорттун олимпиадалык түрлөрү боюнча дирекциясы тарабынан уюштурулуп жатат.
