13 жашар кыздын зордукталышы: сот райондук судьянын өкүмүнө түшүндүрмө берди

© Sputnik / Максим Богодвид / Медиабанкка өтүүСот балкасы. Архив
Сот балкасы. Архив - Sputnik Кыргызстан
Жазылуу
Коомчулук сот 13 жаштагы мектеп окуучусун зордуктады деп шектелген үч кишинин экөөнү актап ийгенине нааразы.

БИШКЕК, 15-дек. — Sputnik. Ысык-Көл облустук сотунун маалымат кызматы 13 жаштагы кыздын зордукталышы боюнча Тоң райондук сотунун өкүмүнө түшүндүрмө берди.

Аталган райондун сотуна бул иш боюнча материалдар 2020-жылдын 22-сентябрында келип түшкөн.

Натыйжада Тоң райондук соту төмөндөгүдөй өкүм чыкканын билдирет:

2-декабрда соттун өкүмү менен айыпталуучу К. уулу Ж. Жазык кодексинин 161-беренесинин 1,4-бөлүгү ("Зордуктоо") боюнча күнөөсүз деп табылып, анын кыймыл аракетинде кылмыштын курамы жок деген негизде акталган. Айыпталуучуну камакка алуу чарасы өзгөртүлүп, сот залынан бошотулган;

Жогорудагыдай эле берене менен айыпталган С. уулу Э. 11-декабрда күнөөсүз деп табылып, анын кыймыл аракетинде кылмыштын курамы жок деген негизде акталган. Анын да камакка алуу чарасы өзгөртүлүп, сот залынан бошотулган;

Наристенин колун кармап  турган кары аял. Архив - Sputnik Кыргызстан
Неберемди өзүм багып алам! Өгөй атасы сабаган бөбөктүн таенеси менен маек
Соттук териштирүүнүн жыйынтыгында 11-декабрда айыпталуучу К. У. 161-берененин 1,3-бөлүгү, 161-берененин 1,3-бөлүктөрүнүн 1,2-пунктундагы кылмыш аракеттери Жазык кодексинин 164-беренесине ("Он алты жашка жете элек адам менен сексуалдык мүнөздөгү аракеттер") которулган. Бул берене менен ал күнөөлүү деп табылып, 7 жыл 6 айга эркиндигинен ажыратылган.

Тоң райондук соту азыркы учурда жабырлануучу тараптан жана прокуратура органдарынан кабыл алынган сот актыларына карата апелляциялык арыз же сунуш келтириле электигин билдиргени айтылат.

Эске салсак, акыркы күндөрү социалдык тармактын колдонуучулары Ысык-Көл облусунун Тоң райондук сотунун судьясы Сабыр Соодонбековдун чечимине нааразычылыгын билдирүүдө. Коомчулукка ал 13 жаштагы мектеп окуучусун зордуктады деп шектелген үч кишинин экөөнү актап ийгени түшүнүксүз болуп жатат.

Ал ортодо прокуратура райондук соттун өкүмүнө апелляциялык даттануу берери белгилүү болду.

Жаңылыктар түрмөгү
0