БИШКЕК, 14-дек. — Sputnik. Европадагы кардиологдор коомунун илимий конгрессинде окумуштуулар ден соолукту тепкичтин жардамы менен текшерсе боло турганын айтышкан. Бул тууралуу "Известия" басылмасы кабарлады.
Окумуштуулар атайын изилдөө жүргүзгөн. Анда эгер адам 60 тепкичти бир мүнөттүн ичинде басып өтсө, бул анын жүрөгү жакшы экенинен кабар бере турганы аныкталган.
Кокус 60 тепкичтен чыгууга бир жарым мүнөт убакыт өткөрсө, анда дарыгерге көрүнүп, анын кеңешин алуу сунушталган.
Илимпоздордун изилдөөсүнө 165 адам катышкан. Жыйынтыгында 60 тепкичти 40-45 секундда басып өткөндөрдө 10 жыл аралыгында өлүм тобокелчилиги 10 пайызга азая турганы аныкталган.
