БИШКЕК, 10-дек. — Sputnik. УЕФАнын Чемпиондор лигасы мелдешинин 8/1 финалында ойноочу бардык 16 команда аныкталды. Европа футбол уюмунун расмий сайты маалымдагандай, плей-офф баскычына өткөн командалардын арасынан "Атлетико", "ПСЖ" жана "Реал" тайпадагы акыркы турдагы жеңиши менен чыгышты.
🤩 2020/21 round of 16 confirmed!
— UEFA Champions League (@ChampionsLeague) December 9, 2020
🏆 Favourites?#UCL pic.twitter.com/bV1t3dKedY
Германиялык "Бавария", "Боруссия" (Дортмунд), англиялык "Манчестер Сити", "Ливерпуль" жана "Челси", Италиянын "Ювентус", франциялык "Пари Сен-Жермен", испаниялык "Реал" клубдары алдыңкы сегиздикке киришти. Булар чүчү кулакта бири-бирине туш келбейт.
Плей-офф баскычына чүчү кулак тартуу 14-декабрда Ньон шаарында өтөт. Бул раунддун биринчи беттештери 16-17, 23 жана 24-февралда, ал эми жооптук оюндар 9-10 жана 16-17-мартта өтөт.
Европада клубдар арасындагы эң абройлуу делген Чемпиондор лигасы мелдешин өткөн жылы Германиянын "Бавария" командасы уткан.
