Жарандык авиациянын эл аралык күнү (International Civil Aviation Day) 1994-жылдан баштап дүйнөнүн көпчүлүк мамлекеттеринде майрамдалып келет. Ал дата 1944-жылдын 7-декабрында Чикагодо кол коюлган конвенциянын 50 жылдыгына карата тандалып алынган. Аталган документте аба кемелеринин эл аралык каттамдарды жана жүк ташууларды ишке ашыруусунун негизги принциптери бекитилген.
1960-жылдарда Кыргыз ССРинде Ил-18 менен Ан-24 учактары пайдаланылып, ар бир облуста бирден аэропорт ишке берилген. Дүйнөнүн булуң-бурчунан жаштар Фрунзе шаарындагы авиациялык окуу жайдан билим алууга келишчү.
Андан сырткары, жарандык авиациянын учактары айыл чарба, саламаттык сактоо тармактарында, өзгөчө кырдаалда да кеңири колдонулган. Союз тарагандан кийин ата мекендик авиация итке минип, узак жылдан бери өнүгө албай келет.
