Таиландда эне бир жашар баласын көп аяктуу курттун өлүмгө алып келчү уусунан сактап калганын The Daily Mail жазды.
Кадрдан көрүнгөндөй, бала жерде ойноп отурат, жанында апасы телефон тиктеп жаткан. Ошол учурда ары жактан чоң көп буттуу курт бөбөк тарапка сойлоп келип калган. Аял муну байкап, дароо баласын колуна ала койду. Андан соң чоң энеси куртту банка менен бастырып өлтүргөн.
Үй-бүлө мүчөлөрү мындай чоң куртту биринчи жолу көрүшкөнүн айтышкан. Басылманын билдиришинче, бул вьетнамдык кырк аяктуу курттун уусу балдардын жүрөгүнүн согушун тездетип, чаккан жерин шишитип, дем алууну кыйындатып, жадагалса өлүмгө дагы алып келиши мүмкүн.
