БИШКЕК, 26-ноя. — Sputnik. Чүйдө жөө адамды өлтүрө сүзүп, качып кеткен айдоочу кармалды. Бул тууралуу Чүй облустук Жол кыймылынын коопсуздугун камсыздоо башкы башкармалыгынын маалымат кызматы кабарлады.
Lexus-470 үлгүсүндөгү унаа
© Фото / пресс-служба УОБДД Чуйской области
Билдирмеге караганда, окуя 23-ноябрь күнү саат 19:30дар чамасында болгон. Анда Lexus-470 үлгүсүндөгү унаанын айдоочусу Военно-Антоновка айылынан Фрунзе көчөсү менен баратып, жолдон 50-55 жаштагы кишини сүзүп качып кеткен. Жөө адам алган жараатынан кырсык болгон жерде көз жумганы маалым болду.
Бул иш боюнча Чүй ШИИБдин Жол кыймылынын коопсуздугун камсыздоо башкы башкармалыгы айдоочуну тапкан. Шектүү Бишкек шаарынын 25 жаштагы тургуну экени аныкталды. Айдоочу кырдаалды түшүндүрүү үчүн Сокулук райондук ички иштер бөлүмүнө жеткирилсе, автоунаасы айып короого токтотулганы кошумчаланды.
