БИШКЕК, 9-ноя. — Sputnik. Өзгөчө кырдаалдар министрлигинин маалымат катчысы Элмира Шерипова "Орто-Сай" базарынын өрттөн кийинки көрүнүшүн Facebook баракчасына жарыялады.
Сүрөттөрдөн эч нерсеси калбай калган павильондорду көрүүгө болот.
Эске салсак, ири базардагы өрт 9-ноябрга караган түнү саат 00:18дер чамасында башталган. Ал түнкү саат 02:16ларда чектөөгө алынып, толугу менен эртең мененки саат 8:55те өчүрүлгөн. ӨКМдин маалыматы боюнча, болжол менен 1800 чарчы метр жер күйгөн.
Кыпкызыл чокко айланган базар. "Орто-Сайды" каптаган өрттүн асмандан көрүнүшү
Учурда кырсыктын келип чыгуу себеби такталып жатканы кошумчаланды. Каза болгондор жана жабыркагандар жок.
