Оорукана 250 бейтапты кабыл алууга ылайыкталган, ал эми реанимациялык блокто 35 орун даярдалганы айтылды.
БИШКЕК, 7-ноя. — Sputnik. “Семетей” (мурдагы “Ганси” авиабазасы) госпиталы коронавируска чалдыккан бейтаптарды кабыл алууга толугу менен даяр. Бул тууралуу өкмөттүн маалымат кызматы билдирди.
“Семетей” госпиталы 250 бейтапты кабыл алууга ылайыкталган, ал эми реанимациялык блокто 35 орун даярдалды.
Бүгүн вице-премьер Эльвира Сурабалдиева аталган жайга барып оорукананын даярдыгы менен таанышкан.
“Госпиталь бейтаптарды кабыл алууга толугу менен даяр. COVID-19 илдетине чалдыккан жарандарды 20-ноябрдан тарта кабыл ала баштайт. Эгер Бишкекте эпидемиологиялык абал начарлап кетсе, эки күндүн ичинде ишке киргизилет”, — деп айтылат маалыматта.
Ошондой эле Өзгөчө кырдаалдар министрлиги реанимациялык блокту оңдоп-түзөөдөн өткөргөнү айтылат. Аны менен катар кабыл алуу блогу даярдалып, кир жуучу жай жана лабораториялардын ишке киргизилиши жыйынтыкталып калганы белгиленет. Ал эми жылуулук менен камсыздоо үчүн электроконвекторлор орнотулган.
“Семетей” госпиталы 250 бейтапты кабыл алууга ылайыкталган, ал эми реанимациялык блокто 35 орун даярдалды.
