БИШКЕК, 23-окт. — Sputnik. Кыргызстандын жарандары Өзбекстанга кандайча бара аларын Мамлекеттик чек ара кызматынын расмий өкүлү Гүлмира Бөрүбаева айтып берди.
Алгач жолго чыгар алдында акыркы 72 саатта коронавируска тапшырган ПЦР-тесттин жыйынтыгы тууралуу маалым кат даярдоо керек.
Өзбекстанга Кыргызстандан учак же автоунаа менен жетүүгө болот, кирип-чыгууга эч кандай чектөө коюлган эмес.
Ал эми чек арадан "Достук", "Кызыл-Кыя", "Кадамжай", "Маданият" жана "Баймак" бекеттери аркылуу өтүүгө болот.
Транспорт каражаттары кыргыз-өзбек чек арасын "Достук", "Кызыл-Кыя", "Кадамжай" өткөрүү пункттары аркылуу кесип өтө алат.
