БИШКЕК, 15-окт. — Sputnik. Түндө Бишкектин чок ортосунда кийим саткан дүкөн толугу менен күйүп кеткен. Бул тууралуу ӨКМдин маалымат кызматы кабарлады.
Дүкөн имаратынын жалындап күйүп жаткан видеосу "Короче" Telegram-каналына жарыяланган.
Маалыматка ылайык, кийим саткан жай Чүй проспектисинде (Манас проспекти менен кесилишет) жайгашкан. Өрт жалпы 50 чарчы метр жерди жалмаган.
Азырынча кырсыктын келип чыккан себептери тактала элек. Өрт өчүрүү кызматы кырсык болгон жерге түнкү саат 02:52де барып, 03:50дө өчүргөнү белгилүү болду.
