БИШКЕК, 12-окт. — Sputnik. Техас (АКШ) штатында жашаган 17 жаштагы Маки Каррин буттарынын узундугу боюнча эки ирет дүйнөлүк рекорд койду. Бул тууралуу CNN телеканалы жазды.
Анын буту дүйнөдө кыздар жана өспүрүмдөр арасында эң узун экени далилденди. Кыздын бою 1 метр 98 сантиметр болсо, анын 135 сантиметри бутуна кеткен.
Апасы кызынын бою өтө узун болорун кичине кезинен эле өзү теңдүүлөргө салыштырып билгенин айтат. Учурда Маки апасынан гана эмес, атасынан, агасынан дагы узун.
Посмотреть эту публикацию в Instagram
Кыздын өзүнүн айтымында, жогорку класстарда окуй баштаганда боюнун айынан өзүн ыңгайсыз сезчү. Кийин Instagram аккаунт ачып алган соң белгилүү болуп кеткен. Учурда өзү сыяктуу өспүрүмдөргө боюнан уялбай, тетирисинче, сыймыктануу керектигин айтып, кеңеш берип келет.
Посмотреть эту публикацию в Instagram
Ал социалдык тармакка 2019-жылдын декабрь айында катталган. Ошондон тарта баракчасына 50 миңдей киши жазылды.
