Парламенттик шайлоо – 2020: учурда эмне болуп жатат. Сүрөт, видео

Анын жыйынтыгы төмөнкүчө:
"Биримдик" — 21,23
"Мекеним Кыргызстан" — 22, 06%
"Республика" — 5,89%
"Кыргызстан" — 9,85%
"Бир Бол" — 2,83%
"Социал-демократтар" —1,77%
"Ыйман Нуру" — 3,21%
"Реформа" — 1,27%
"Ата Мекен" — 4,16%
"Замандаш" — 1,88%
"Бүтүн Кыргызстан" — 6,9%
"Мекен Ынтымагы" — 0,67%
Афганистан согушунун ардагерлери — 0,16%
"Ордо" — 0,2%
"Чоң Казат" — 2,22%

"Мекенчил" — 6,71%

Баарына каршы - 1,07%

БШКнын маалыматына караганда саат 18:00гө карата 1  млн. 594 763 кыргызстандык добуш берди.
Маалыматта Ош облусу алдыда келе жатканы айтылды.

Аймактар боюнча статистика:
Бишкек — 223 119 же 44,83 пайыз;
Ош — 101 271 же 56,27 пайыз;
Жалал-Абад облусу — 303 450 же 47,14 пайыз;
Ысык-Көл облусу – 117 450 же 40,39 пайыз;
Нарын облусу — 79 939 же 45,37 пайыз;
Ош облусу – 317 927 же 46,58 пайыз;
Талас облусу – 69 263 же 46,48 пайыз;
Чүй облусу – 260 432 же 44,39 пайыз;
Баткен облусу – 115 358 же 40,58 пайыз.

 Нарын шаарындагы Эсенгул Ибраев атындагы мектептеги №4068 шайлоо участогунда бюллетень салган аппарат убактылуу иштебей калып, шайлоочулардын узун кезеги жаралды. Бул тууралуу аймактык кабарчы маалымдады.

Бул видео социалдык тармакка жарыяланган. 

Анын айтымында, техникалык мүчүлүштүктөрдөн улам шайлоочулар эки сааттай кезек күтүп калышкан.

№4068 шайлоо участкасынын төрайымы Нургүл Абдылдаева кезек күтүү форма №2 боюнча эмес, техникалык себептерден улам жаралганын айтты.

"Бюллеттенди аппарат тартып кетпей, бузулуп, анын кесепетинен кезек күткөндөр көбөйүп кеткен. Азыр аппарат иштеп жатат, кезекке турган шайлоочулардын саны азайып калды", — деди Абдылдаева.

Аймактык кабарчы аталган шайлоо участогуна шайлоочулар ар кайсы район, айылдардан келгендиктен, автоунаа да батпай кеткенин айтып, абал көзөмөлгө алынганын кошумчалады. 

Россиянын Владивосток жана Түштүк Сахалин шаарларындагы кыргызстандык жарандардын добуш берүүсү аяктады. Бул туурасында БШКнын төрайымы Нуржан Шайлдабекова кабарлады.

Буга чейин ал жактагы добуш берүүнүн Бишкек убактысы боюнча саат 3:00дө башталып, анын 16:00дө аяктаары айтылган.

"Чет өлкөлөрдө шайлоочулардын 16,2 пайызы, тагыраагы 5 283 адам добуш берген. Саат 3:00дө Түштүк Сахалинде башталган кампания саат 15:00дө аяктады. Владивостокто бул процесс 4:00дө башталып, 16:00дө аягына чыкты", — деп билдирди  Шайлдабекова.

Саат 16.00гө карата шайлоочулардын 36,81%ы добуш берди. Бул сандар менен алганда 1 млн. 297 миң киши. 

Бишкек — 36.39%;
Ош — 45.06% ;
Жалал-Абад облусу — 38.84%;
Ысык-Көл облусу — 33%;
Нарын облусу — 37.59%;
Ош облусу — 37.05%;
Талас облусу — 38.25%;
Чүй облусу — 36.25%;
Баткен облусу — 33.31%.

Жалпы Талас облусу боюнча саат 16:00гө карата 53 883 жаран же шайлоочулардын 36,1 пайызы добуш берди
Аталган аймакта шайлоого катышууга укуктуу 149 011 адам катталган.

Нарын облусунда саат 16:00гө карата 65 246 адам добуш берип, жалпы шайлоочулардын 37,0 пайызы шайлоого барды.

Райондор боюнча алсак,

Ак-Талаа районунда 7658 (39,1%);

 Ат-Башы районунда 11 325 (36,0%);

Жумгал районунда 10320 (38,2%);

 Кочкор районунда 11 409 (29,8%);

 Нарын районунда 11 579 (41,7%);

Нарын шаарында 12 955 (40,4%) шайлоочу добуш берди.

Облуста бүгүн 171 шайлоо участогу ачылган. Добуш берүүчүлөрдүн саны 176 202 киши.

Ысык-Көл облусундагы беш район менен эки шаарда саат 16:00гө алынган маалыматтар боюнча, 98 112 кишинин добуш бергени маалым болду.  

"Быйыл 67 миңден ашык 18 жашка толгон жаран биринчи ирет шайлоого катышуу укугуна ээ болду. Аларга беле катары КРдин Конституциясын белек кылып жатабыз", - деди БШК төрайымы.

Кыргызстанда добуш берүү процесси башталгандан бери үч мыйзам бузуу фактысы катталды. Бул туурасында ИИМдин тергөө кызматынын начальниги Султан Макилов брифинг учурунда билдирди.
"Саат 14.00гө карата 3 факты катталып, иликтенип жатат. Алардын бири Бишкекте майда бейбаштык, экөө Жалал-Абад облусунда добуш сатып алуу, добуш берүүгө тоскоолдук кылуу катары катталды", — деди Макилов.

Республика боюнча саат 14.00гө карата 990 492 адам добуш берди, бул жалпы шайлоочулардын 28,11 пайызын түзөт.

Бишкек — 27,49 процент;
Ош — 35,24 процент;
Жалал-Абад облусу — 30,2 процент;
Ысык-Көл облусу — 26,5 процент;
Нарын облусу — 28,99 процент;
Ош облусу — 28,45 процент;
Талас облусу — 29,85 процент;
Чүй облусу 26, 76 — процент;
Баткен облусу  — 26,4 процент.

10 000 ашык ИИМ кызматкери күчөтүлгөн тартипте иштеп жатат;

900 ашык инспектор жол кыймылына көзөмөл жүргүзүүдө;

7000 ашуун элдин кошуундар көмөк көрсөтүүдө.  

Баткен облусунда саат 14:00гө  карата 75731 шайлоочу добуш берди

Баткен району – 11347;

Баткен шаары – 3441;

Кадамжай району - 28214;

Кызыл-Кыя шаары - 7989;

Лейлек району – 21070;

Сүлүктү шаары – 3670.

Баткен облусунда жалпы 284 265 шайлоочу бар.

Добуш берүү процесси башталгандан бери (саат 8.00дөн 14.00гө чейин) 48 арыз келип түштү. Бул туурасында БШКнын Ыкчам чара көрүү боюнча координациялык тобунун мүчөсү Тынчтык Шайназаров билдирди.

Ысык-Көл облусу боюнча саат 14:00гө карата 77 170 шайлоочу добуш берген. Бул добуш бергендердин 26,5 пайызын түздү.

Шайлоо күнү өкмөт үйүндө call-борбор иштей турганын өкмөттүн маалымат кызматы кабарлаган эле.

·  (0312) 66 28 58;

·  (0312) 62 51 19;

·  (0312) 66 28 51;

·  (0312) 96 14 54;

·  (0312) 96 03 11;

·  факс (0312) 66 61 97.

Жогорку Кеңештин депутаттарын шайлоого байкоочу катары 43 чет мамлекеттен келишти.  277 эл аралык байкоочу 33 уюмдун атынан, 77 жарандык уюмдардан, 16 саясый партиялардын байкоочулары мониторинг жасап жатышат.

Бул номерлерди ИИМ өкүлү бринфинг учурунда берди.

·         кыска номер — 2255;

·         WhatsApp — (0990) 02-12-55;

·         ишеним телефону  — (0312) 62-62-46;

·         коомдук кабыл алуу — (0312) 66-02-40.

Ысык-Көл облусунда саат 12:00гө карата 47 миң 83 киши добуш берди. Облуста жалпы 290 миң 749 шайлоочу катталган.

Жалал-Абад шаарында саат 12:00гө карата 11 691 адам добуш берди. Бул жалпы шайлоочулардын 22 пайызын түзөт. Калаада жалпы 55 071 шайлоочу катталган. Ушу тапта 28 шайлоо участкасы иштеп жатат.

Баткен облусунда саат 12:00гө карата 50 632 шайлоочу добуш берди. Район, шаарлар боюнча алып караганда шайлоочулардын саны төмөндөгүчө:

• Баткен району — 7 124;
• Баткен шаары — 2 378;
• Кадамжай району — 19 454;
• Кызыл-Кыя шаары — 5 905;
• Лейлек району — 13 856;
• Сүлүктү шаары — 1 915.

Баткен облусунда жалпы 284 265 шайлоочу бар. Саат 12:00гө карата алардын 17,8 пайызы шайлоого келди.

Саат 12.00гө карата калаада 12 миңден ашуун шайлоочу добуш берди. Бул жалпы добуш берчүлөрдүн 23 пайызын түзөт. 

ИИМ азыркы сааттарга карата мыйзам бузуулар катталган жок деген маалымат берди. Министр бирифингде республика боюнча кырдаал туруктуу экендигин билдирди.

Россия, Владивосток аймагында добуш берүү

Борбордук шайлоо комиссиясы Кыргызстандан сырткаркы аймактардагы добуш берүү боюнча сүрөттөрдү жарыялады.

Маалыматта шайлоо участкалары Түштүк Сахалин, Пекин, Новосибирск,  Владивосток жана Астанада ачылгандыгын айтышты.

Шайлоо участкаларында учурда 5 728 медик нөөмөттө турат. Эгерде зарылдык жаралса, шайлоочулардын саламаттыгын текшерип, жардам көрсөтөт. Бул туурасында Саламаттыкты сактоо министринин орун басары Нурболот Усенбаев билдирди.

Жээнбеков Бишкек шаарындагы УИК №1327 шайлоо участогунда добуш берди ( №5 Инновациялык технологиялар мектеп-лицейи)

Ал киргенден соң участкалык комиссиянын мүчөсүнө документтерин көрсөттү. Сканер анын бармак издерин тааныбай койду. Жээнбеков бет кабын чечип, ал жердеги аппараттын камерасына сүрөтүн тарттырганы менен ал дагы президентти тааный албай койду.

Премьер-министр Кубатбек Боронов Бишкек шаарында добуш берди.

"Пандемияны эске алып, даярдыктар болду. Маалыматтарга ылайык, бир дагы аймакта техникалык мүчүлүштүк калган жерлер болгон жок.  Башкысы - шайлоо тынч өтүп, шайлоодон кийин жеңгендер да, жеңилгендер да таанышы керек. Жакынкы беш жылдыкта өлкөдөгү саясатты аныктай турган саясатчылар келет", - деди Боронов.

3-октябрда шайлоо участокторунан тышкары 24 472 кыргызстандык добуш бергендигин БШКнын төрайымынын орун басары Абдыжапар Бегматов билдирди.

 Ал эми шайлоо участокторунан тышкары добуш бере тургандардын жалпы саны 29 330 эле.

4448 шайлоочу ар кыл себептерден улам добушун бере албай калды. Кээ бирөөлөрүнүн паспорттору же ким экендигин тастыктаган документтери болгон эмес.  

Бул шайлоого 16 партия 1957 талапкерди сунуштады. Алардын ичинен 57 киши ар кыл себептер менен бул жарыштан чыккан. 

Борбордук шайлоо комиссиясынын башчысы Нуржан Шайлдабекова кыскача брифингде шайлоо күнүнүн  башталгандыгын айтты. Ал добуш берүүчүлөр жана депутаттыкка талапкерлер туурасында жалпы статистикалык маалыматты берди.

"Бүгүн 4-октябрда, саат 8:00дө Жогорку Кеңештин депутаттыгына талапкерлер үчүн добуш берүү башталды. Добуш берүүчүлөрдүн тизмесине 3 миллион  523 миң 554 киши кирди", - деп билдирди ал.

Өлкөдө 2 475 шайлоо участкасы ачылды, анын ичинен 45и чет өлкөлөрдө иштейт.

Кыргызстандагы добуш бере турган жарандардын саны 3 миллион 523 миң 532 адам.