БИШКЕК, 4-окт. — Sputnik. Саламаттык сактоо министри Сабиржан Абдикаримов оорунун белгилери байкалган жарандар шайлоого кантип катыша турганын брифинг учурунда түшүндүрүп берди.
Белгилей кетсек, бүгүн, 4-октябрда, Жогорку Кеңешке депутаттарды шайлоо өтүп жатат. Добуш берүү кечки саат 20:00дө аяктайт.
"Эгерде шайлоочулардын арасында дене табы көтөрүлүп же оорунун белгилери байкалгандар болсо, алар шайлоо участкаларына кечки саат 18:00дөн кийин келип, атайын даярдалган кабиналарда добуш берүүгө укуктуу", — деди Абдикаримов.
Эске салсак, өткөн суткада Кыргызстанда коронавирустан 140 бейтап айыкса, 244 киши оору илештирип алганы аныкталды.
