БИШКЕК, 4-окт. — Sputnik. БШКнын ыкчам чара көрүү боюнча координациялык тобунун мүчөсү Тынчтык Шайназаров "көз жумган адам добуш берип калды" деген билдирүү боюнча жооп берди.
Учурда социалдык тармактарда №1041 шайлоо участкасында "көзү өткөн киши добуш берди" деген маалымат тарап жатат.
"Ал боюнча тийиштүү иш-чаралар жүргүзүлдү. Шайлоо участкасынын төрайымы Канымжан Өмүрова бул маалыматты тастыктаган жок. УКМК дагы териштирип, билдирүү такталбаганын билдирди", — деди Шайназаров.
Ошондой эле ал саат 17:00гө карата 79 мыйзам бузуу учуру боюнча БШКга кайрылуу түшкөнүн белгиледи.
