БИШКЕК, 3-окт. — Sputnik. Шайлоо күнү өкмөт үйүндө call-борбор иштей турганын өкмөттүн маалымат кызматы кабарлады.
Чалууларды тейлеген кызмат шайлоо комиссияларына көмөк көрсөтүү үчүн иш алып барат.
"Добуш берүү күнү өкмөт үйүндө парламенттик шайлоону өткөрүүнүн уюштуруучулук маселелерин чечүүдө жана материалдык-техникалык жактан камсыздоодо республикалык штабдын call-борбору иштейт. Шайлоочулар электр жарыгы же интернет жок болсо, шайлоо комиссияларынын мүчөлөрү жана байкоочулар гигиеналык-санитардык эрежелерди сактабаса жана башка мыйзам бузуулар байкалса ишеним телефондоруна чалса болот", — деп айтылат маалыматта.
Ишеним телефондорунун номери төмөнкүдөй:
- (0312) 66 28 58;
- (0312) 62 51 19;
- (0312) 66 28 51;
- (0312) 96 14 54;
- (0312) 96 03 11;
- факс (0312) 66 61 97.
Шайлоодон кийин тынч болушун каалайм! Боронов партияларга кайрылуу жасады
Билдирмеде айтылгандай, бул номурларга чалуулар "Кыргызтелеком" ААКтын Бишкек шаардык түйүнүнүн стационардык телефондорунан акысыз, ал эми аймактар менен уюлдук операторлордон тарифтерге ылайык жүргүзүлөт.
Парламенттик шайлоо эртең, 4-октябрда, өтөт. Бүгүн өлкө аймагында шайлоонун алдындагы жымжырттык күнү. Добуш берүүнүн алдындагы 24 сааттын ичинде талапкерлер үгүт иштерин жасабайт.
