Майкл Жексондун атасынын протез тиштери аукциондо сатылды

© REUTERS / Phil KleinМайкл Джексон атасы менен. Архив
Майкл Джексон атасы менен. Архив - Sputnik Кыргызстан
Жазылуу
Протез тиштен сырткары сатыкка Жо Жексондун 60 буюму коюлган. Анын ичинде жеңил бут кийими, күмүш менен шөкөттөлгөн күрмөсү жана колу коюлган сүрөттөрү бар.

БИШКЕК, 28-сен. — Sputnik. Поп-музыканын паашасы Майкл Жексондун атасынын протез тиштери аукциондо сатылды. Лоттун алгачкы баасы 200 фунт стерлингди (20 миң сомдон ашык) түзгөн. Бул тууралуу The Mirror басылмасы жазды.

Билдирмеге ылайык, протез тиштен сырткары сатыкка Жо Жексондун 60 буюму коюлган. Анын ичинде жеңил бут кийими, күмүш менен шөкөттөлгөн күрмөсү жана колу коюлган сүрөттөрү бар.

Махатма Гандинин көз айнеги аукциондо 340 миң долларга сатылды

Мындан тышкары, аукционго ырчы Майкл Жексондун канынын изи калган капельница да коюлган. Медициналык жабдуу ырчынын өмүрүнүн акыркы күндөрү колдонулган. Жексондун туугандары ырчы каза болордо колунда дал ошол капельница турганын айтып, анда аткаруучунун ДНКсы калганын кошумчалашкан.

Майкл Жексон — тарыхтагы эң атактуу жана элдин сүймөнчүлүгүнө арзыган ырчы. Гиннестин рекорддор китебине 25 жолу катталган жана "Грэмми" сыйлыгына 15 ирет татыган. Легендарлуу артист 50 жашында, 2009-жылы каза болгон.

Жаңылыктар түрмөгү
0