БИШКЕК, 26-сен. — Sputnik. Украинанын Харьков облусунда Ан-26 аскер учагы кулады. Андан каза болгондор жана жабыркагандар бар. Бул тууралуу РИА Новости Украинанын Аскер-аба күчтөрүнүн маалыматына таянып кабарлады.
Кырсыктын видеосу басылманын Telegram каналына жарыяланган.
⚡ 20 человек погибли при крушении самолета под Харьковом, двое пострадали, сообщили в полиции. На борту находились 28 человек, из них 7 членов экипажаhttps://t.co/qbbHzC9cAt pic.twitter.com/9mEXlKluzA
— РИА Новости (@rianru) September 25, 2020
"25-сентябрь күнү кечинде Харьков облусунда Украинанын Аскер-аба күчтөрүнө тиешелүү болгон АН-26 учагы кырсыктады. Учак жерге коноюн деп жатканда кулаган. Бортто экипаж мүчөлөрүнөн сырткары аскер-аба күчтөрүнүн Харьков университетинде билим алган курсанттары бар болчу. Арасында каза болгондор, жабыркагандар бар. Маалымат такталып жатат", — деп айтылат билдирмеде.
Ички иштер министрлиги билдиргендей, учак кырсыгынан 23 адам каза болуп, эки адам оор абалда ооруканага жеткирилген. Акыркы маалыматтар боюнча, жеринде куткаруучулар, өрт өчүрүүчүлөр иштөөдө.
Украинанын президенти Владимир Зеленскийдин кырсык болгон жерге чыгып кеткени кабарланды.
