БИШКЕК, 29-авг. — Sputnik. Ош шаарынын Патрулдук милиция кызматына 51 кызматкер конкурстук негизде тандалып алынды. Бул тууралуу ИИМдин Жол кыймылынын коопсуздугун камсыздоо башкы башкармалыгынан билдиришти.
Келечектеги тартип сакчылары 1-сентябрдан тарта ИИМ академиясынын Ош шаарындагы филиалында даярдыктан өтө башташат.
Кызматка алынган жарандардын тизмеси министрликтин расмий сайтында жарыяланды.
