Кыргызстанда курулуп жаткан 14 ооруканага 206,5 млн. сом сарпталат

Жазылуу
Өкмөт өлкөнүн ар бир облусуна жаңы оорукана куруп, кээ бирлерин капиталдык оңдоодон өткөрүп жатат.

БИШКЕК, 28-авг. — Sputnik. Кыргызстанда 14 оорукана куруу жана оңдоп-түзөө жумуштарына 206,5 миллион сом жумшалат. Бул туурасында Архитектура, курулуш жана турак жай-коммуналдык чарба мамлекеттик агенттигинин директору Урматбек Кокочаров билдирди.

Анын айтымында, "Капиталдык салымдар" боюнча эки объектинин курулушуна республикалык бюджеттин эсебинен 21 миллион сом бөлүнөт. Алар —  Жалал-Абад облустук ооруканасы жана Ош облусунун Кара-Суу районуна караштуу Чайчы айылындагы оорукана.

Кыргызстанда жаңы ачыла турган ооруканаларга 243 млн. сомдук жабдуу керектелет

Ал эми Бишкек, Ош жана Нарын шаарларында тез курулуучу үч инфекциялык оорукананы тургузуу жана тогуз объектини капиталдык оңдоо иштери "Региондорду өнүктүрүү боюнча социалдык өнөктөштүк фондунан" каржыланат. Ага 185,5 миллион сом каралган.

Белгилей кетсек, июль айында өлкөдө эпидемиологиялык кырдаал курчуп, ооруканаларга бейтаптар батпай калган. Ошондон кийин президент башында туруп, жер-жерлерде жугуштуу илдеттер ооруканасын куруу иштери башталган.

Жаңылыктар түрмөгү
0
Алгач жаңыларыАлгач эскилери
loader