Бийликти өткөрүп берүү. Тихановская АКШнын мамкатчысынын өкүлү менен жолукту

© AFP 2022 / PETRAS MALUKASПрезиденттикке мурдагы талапкер Светлана Тихановская. Архив
Президенттикке мурдагы талапкер Светлана Тихановская. Архив - Sputnik Кыргызстан
Жазылуу
Yandex newsTelegram
Беларуста 9-августта президенттик шайлоо өткөндөн кийин нааразычылык башталган. Анда Александр Лукашенко жеңип чыкса, Тихановская тизгин талашкандардын бири болгон.

БИШКЕК, 24-авг. — Sputnik. Президенттикке мурдагы талапкер Светлана Тихановская АКШнын мамлекеттик катчысынын орун басары Стивен Беган менен жолугушуп, өлкөдөгү кырдаалды талкуулады. Бул тууралуу РИА Новости жазды.

Ушул тапта Тихановская Литвада жүрөт. Беган менен жолугушууда өлкөдөгү саясий кризисти бийликти тынчтык жолу менен  өткөрүп берүү үчүн диалогдун негизинде чечүүгө даяр экендигин айткан.  Мындан сырткары, ортого түшкөн эл аралык уюмдарга ачык болорун билдирген.

Тик учак менен колуна автомат алып... Лукашенконун резиденцияга келген видеосу

"Биз ар дайым диалогго даяр экенибизди айтканбыз жана абалды тынчтык жолу менен жөнгө салууга умтулабыз. Эл аралык уюмдардын диалогго көмөктөшүүсүнө даярбыз", — деп билдирген Тихановскаянын маалымат кызматы.

Ошондой эле ал Беларусь оппозициясы "бийликтин өз элине каршы жасаган кылмыштарын калыс иликтөөнү" талап кылып жаткандыгын билдирген.

"Биз ошол эле учурда бардык мамлекеттерди Беларустун эгемендүүлүгүн жана аймактык бүтүндүгүн урматтоого чакырабыз. Беларустун эли гана өз келечегин жаңы адилеттүү жана эркин шайлоодо чече алат", — деп белгилеген Тихановская.

Буга чейин Лукашенко "Беларустагы акыркы окуялардын артында АКШ турат" деп билдирген.

Беларустагы шайлоо жана андан кийинки митингдер

9-августта Беларуста президенттик шайлоо өткөн. БШКнын эсеби боюнча, өлкөнүн учурдагы башчысы Александр Лукашенко добуштардын 80,1 пайызына ээ болсо, экинчи орунду 10,12 пайыз менен Светлана Тихановская ээлеген. Ал эми оппозиция шайлоонун жыйынтыгын тааныбай, Тихановская Литвага чыгып кеткен.

Республикада башталган каршылык акциялары күч түзүмдөрү тарабынан басылып келген. Алгач нааразы болгондорго каршы көздөн жаш агызуучу газ, кулак тундурган граната жана желим октор пайдаланылган.

Өткөн аптада эл митингге бүтүндөй эмгек жамааттары менен чыккан.

Жаңылыктар түрмөгү
0