Москвада мекендештерин алдады деп эки кыргызстандык шектелүүдө. Бири кармалды

© REUTERS / Sergei KarpukhinКишенчен адам. Архив
Кишенчен адам. Архив - Sputnik Кыргызстан
Жазылуу
Шектүүлөрдүн бири үч жарандын ар биринен 20 миңден жалпы 60 миң рубль алып, из жашырып кеткени айтылууда.

ОШ, 4-авг. – Sputnik. Москва шаарында мигранттарды Кыргызстанга жөнөтүү үчүн тизмеге киргизүүгө жардам берүүнү убадалап, акча алууга шектүү эки жарандын бирөөсүнүн ким экени аныкталып, экинчиси кармалды. Бул тууралуу ИИМден билдиришти.

Маалыматка ылайык, 2020-жылдын 28-июлунда ИИМдин Россиядагы өкүлчүлүгүнө Баткен облусунун тургуну, 26 жаштагы келин арыз менен кайрылган. Ал 10-июль күнү Кыргызстандын Россиядагы элчилигинин консулдук кызматына мекенине кетүү үчүн тизмеге катталуу үчүн келген. Консулдук кызматтын имаратынын алдында ага бейтааныш жигит келип, тизмеге киргизүүнү убадалап, акча алган соң изин жашырып, дайынсыз жоголгон.

Жогорудагы факт боюнча ИИМдин Россиядагы өкүлчүлүгүнүн кызматкерлери жергиликтүү кесиптештери менен биргеликте иликтөө иштерин жүргүзүп, 30 жаштагы Чүй облусунун тургунун аныкташкан. Учурда тергөө иштери жүрүп жатат.

© Фото / пресс-служба МВД КРАлдамчылыкка шектүү болгон 30 жаштагы Чүй облусунун тургуну
Москвада мекендештерин алдады деп эки кыргызстандык шектелүүдө. Бири кармалды - Sputnik Кыргызстан
Алдамчылыкка шектүү болгон 30 жаштагы Чүй облусунун тургуну

ИИМ: жарандарды Россиядан КРге жөнөтүү үчүн каражат сурагандар аныкталууда

Мындан сырткары, 28-июль күнү өкүлчүлүккө Кыргызстандын үч жараны арыз менен кайрылган. Арызда WhatsApp аркылуу өзүн элчиликтин кызматкери катары тааныштырып, тизмеге кирүүгө жардам берүүнү убадалаган бейтааныш кызга 20 миң рублден бергендигин, бирок ал кыз изин жашырып кеткендиги жазылган.

Бул эки факт боюнча РФтин Кылмыш-жаза кодексинин 159-беренеси ("Алдамчылык") боюнча кылмыш иши козголгон.

Оренбургдагы кыргызстандыктар автобус менен алып келинмей болду

"Экинчи учур боюнча Жалал-Абад облусунун Аксы районунун жашоочусу, 23 жаштагы С.А. аттуу кыз шектүү катары кармалып, укук коргоо органдарына жеткирилди. Учурда тергөө иштери жүргүзүлүп жатат", — деп айтылат билдирүүдө.

© Фото / пресс-служба МВД КРАлдамчылыкка шектүү болгон Жалал-Абад облусунун Аксы районунун жашоочусу, 23 жаштагы С.А.
Москвада мекендештерин алдады деп эки кыргызстандык шектелүүдө. Бири кармалды - Sputnik Кыргызстан
Алдамчылыкка шектүү болгон Жалал-Абад облусунун Аксы районунун жашоочусу, 23 жаштагы С.А.
"Бул окуялар мигранттардын арасында нааразычылыктарды жаратып, өлкөнүн РФтеги элчилигинин коррупциялык схемалары жөнүндө ар кандай пикирлер тараган. Ошол себептен элчиликтин алдында жарандардын арыздары менен кайрылууларын кароо үчүн атайын комиссия түзүлүп, жетектөө милдети ИИМдин Россиядагы өкүлү, милициянын полковниги Нурлан Жанбаевге жүктөлгөн", - деп айтылат маалыматта.

ИИМдин Россиядагы өкүлчүлүгү жогорудагы сыяктуу окуяларга дуушар болгондорду predstavitelstvomvd@mail.ru электрондук почтасына же +7 (926) 890-87-00 ишеним телефонуна кайрыла аларын кошумчалады. Купуялуулукка кепилдик берилет.

Жаңылыктар түрмөгү
0