БИШКЕК, 3-авг. — Sputnik. Россиянын Оренбург облусунан Казакстан аркылуу транзит менен КР жарандарын чыгарып кетүү боюнча макулдашуу аягына чыкты. Бул тууралуу ТИМдин маалымат кызматынан билдиришти.
Кыргызстандын жарандарын Россиядан алып келүү автобустар колоннасы менен бир нече этапта ишке ашырылат. Биздин жарандар менен автобустардын биринчи колоннасы 3-августта кечинде келери күтүлүүдө.
КР ТИМи Россиядагы мекендештерди Россия-Казакстан мамлекеттик чек арасын көздөй расмий ачылганга чейин барбоого чакырат.
Россия эл аралык аба каттамын жандантты
Коронавирус инфекциясынын жайылышына каршы күрөшүү боюнча ыкчам штабдын чечимине ылайык, Россия-Казакстан мамлекеттик чек арасында мекендештердин кезектеги топтолушун болтурбоо максатында Москвадан, Новосибирскиден жана Екатеринбургдан туруктуу негизде Россиядан Кыргызстанга учкан чартердик каттамдардын саны олуттуу түрдө көбөйтүлдү.
