Быйылкы шайлоолорду өткөрүүгө жалпысынан 732 миллион сом каралып, анын бир бөлүгү жергиликтүү кеңештерге жумшалган. Бул тууралуу Нуржан Шайлдабекова Sputnik Кыргызстан радиосуна маек куруп жатып билдирди.
Шайлдабекова: шайлоо өткөрүүгө санитардык каражаттар колдоо катары келет
Анын айтымында, парлменттик шайлоону өткөрүүгө 560 миллион сом коротуу пландалган.
"Жалпысынан быйыл өтүүчү шайлоолорду уюштурууга 732 миллион сом каралган. Анын 560 миллиону парламенттик шайлоого кетмек. Бирок пандемияга байланыштуу өкмөт бардык мүмкүн болгон тармактардагы чыгымдарды кыскартууга чакырды. Буга байланыштуу БШК парламенттик шайлоого кетчү чыгымды 445,9 миллион сомго түшүрдүк. 560 миллион сомдун 70 миллионуна биометрикалык идентификациялоочу каражаттар алынмак. Бирок Япония бизге бул каражаттарды колдоо иретинде берип жатат. Ошондой эле аны иштетүүнү үйрөтүүчү адистер да келип, биздин кызматкерлерди акысыз окутуп кетишет. Мындан сырткары, 60 миллион сомго алынуучу санитардык каражаттарга да акча кетпей турган болду. Демөөрчүлөр өз каражатына бет кап, санитайзер иретинде ушул суммага алып беришери пландалууда. Ушундай келишимдердин арты менен шайлоого кетчү чыгымды кыскартууга мүмкүнчүлүктөр түзүлдү. Калган акча шайлоо участакторун ачууга, андагы кызматкерлердин айлык маянасына жумшалат", — деди Шайлдабекова.
Бактыгулов: келе жаткан шайлоодо аймактардагы лидерлер чоң роль ойнойт
Ал ошондой эле Кыргызстанда пандемия учурунда парламенттик шайлоону ийгиликтүү өткөрүп алган Түштүк Кореянын тажрыйбасы колдонуларын кошумчалады.
