Ажыкулов: сурамжылоо боюнча ишкерлердин 60%ы банкрот болду

Июнь айында ишкерлер арасында сурамжылоо жүргүздүк, анын натыйжасы менен 60 пайызы банкрот болгону аныкталды. Бул тууралуу Темирбек Ажыкулов Sputnik Кыргызстан радиосуна маек берип жатып билдирди.

Анын айтымында, өкмөттүн антикризистик планы жетиштүү деңгээлде натыйжалуу болгон жок.

"Тейлөө, туризм тармагы такыр эле токтоп калды. Айыл чарба, тамак-аш өндүрүү дагы 30-40 пайызга чейин жоготууга учурады. Март айынан бери бир нече сунуш менен өкмөткө кайрылдык. Июнь айында ишкерлер арасында сурамжылоо жүргүздүк, анын натыйжасы менен ишкерлердин 60 пайызы банкрот болуптур. Албетте, пандемия учурунда жабыр тартпаган тармак жокко эсе. Ошентсе дагы экономика приоритеттүү багыттардын катарында болушу абзел. Ишкерлерге көмөк көрсөтүү багытында аракеттер көрүлүп жатат. Жакында эле өкмөт тарабынан ишкерликти насыялоо үчүн 4,2 миллиард сом бөлүндү. Бул өтө чоң каражат эмес, бирок көмөгү тиет деген ишеним бар", — деди Ажыкулов.

Өкмөт коммерциялык банктарга 4,2 млрд сом бөлдү. Программанын максаты

Ошондой эле ал бөлүнгөн каражатты аз суммадан көп адамга эмес, бир чоң тармакты каржылоого багыттаса жыйынтыгы жакшы болорун кошумчалады.