БИШКЕК, 24-июл. — Sputnik. Кыргыз өкмөтү "Коопсуз шаар" долбоорунан айып пулга түшкөн каражатка тез жардам унааларын сатып алат. Бул тууралуу өкмөттүн маалымат кызматы билдирди.
"Премьер-министр Кубатбек Боронов Милдеттүү медициналык камсыздоо фондуна "Коопсуз шаар" долбоору боюнча тез жардам унааларын сатып алуу үчүн атайы аккумуляцияланган 145 миллион сом каражат боюнча ыкчам тартипте тийиштүү документтерди даярдоону тапшырды", — деп айтылат маалыматта.
Өкмөттүн 2019-жылдын 18-февралындагы № 56 токтомуна ылайык, долбоорго тартылган мекемелер арасындагы бөлүштүрүүдөн соң каражаттын калган бөлүгү республикалык бюджетке түшөрү каралууда. Аталган токтомдо 50 пайыз калдык максаттуу түрдө Милдеттүү медициналык камсыздоо фондунун кызыкчылыгында медициналык тез жардам унааларын алуу жана аларды тийиштүү медициналык жабдуулар менен камсыздоо үчүн топтолору тууралуу талап киргизилген.
ТИМ: чет өлкөдөгү дипломаттар учурда дары, реанимобиль алуу жолун издеп жатат
Учурда Саламаттык сактоо министрлиги тарабынан тийиштүү даярдык иштери башталды.
