БИШКЕК, 21-июл. — Sputnik. Кыргызстандык режиссёр Артыкпай Сүйүндүковдун "Шамбала" аттуу тасмасы Шанхайда өтчү эл аралык кинофестивалга катышат. Бул тууралуу режиссёрдун жардамчысы Мээрим Догдурбекова билдирди.
Анын айтымында, аталган фильм кинофестивалдын Spectrum-Alternatives программасынын алкагында көрүүчүлөргө 25-26-31-июлда тартууланат.
"Шамбала" тасмасы Чыңгыз Айтматовдун "Ак кеме" чыгармасынын негизинде тартылган. Ушул эле кинофестивалга дагы бир кыргыз тасмасы катыша турганы айтылды. Ал — режиссёр Эмил Атагелдиевдин "Көл" кинокартинасы.
Мүшөк менен келген устуканды бөлүштүрүп... "Көчөдөгү" таберик сүрөт
Шанхай эл аралык кинофестивалы дүйнөдөгү "А" классындагы 15 кинофестивалдын тизмесинде Берлин жана Канндан кийинки үчүнчү орунду ээлейт. Кинофестиваль быйыл 23-ирет өтүп жатат.
Эске салсак, жазуучу Чыңгыз Айтматовдун "Ак кеме" чыгармасынын негизинде тартылган фильм бар. Аны белгилүү кинорежиссёр Болот Шамшиев жараткан.
