Окумуштуулар төшөк мамилеси менен узак өмүрдүн байланышын түшүндүрдү

CC0 / Pixabay / stokpicВыяснение отношений
Выяснение отношений - Sputnik Кыргызстан
Жазылуу
НовостиTelegram
Окумуштуулар жума сайын төшөк мамилесинде активдүү болуп туруунун пайдасын аныкташкан. Ал эми эксперимент 11 жылга созулган.

БИШКЕК, 19-июл. — Sputnik. Дайыма жыныстык катнашта болуп туруу эрте көз жумуу ыктымалдуулугун эки эсеге азайтарын The Sun басылмасы жазып чыкты.

Маалыматка ылайык, Вашингтондогу (АКШ) Сент-Луис шаарында жайгашкан университеттин изилдөөчүлөрү ушундай жыйынтыкка келишкен.

Баш-аягы он бир жылга созулган экспериментке 15 миңден ашык адам катышкан. Алардын 72 пайызы жыныстык катнашта бир айда бир жолу гана болушса, 36 пайызы бир жумада бир болуп турушкан. Изилдөөнүн жүрүшүндө катышуучулардын ичинен 62 адам рактан, 29 адам жүрөк-кан тамыр ооруларынан улам өмүрү менен кош айтышып, жалпы 228 адам каза болгону аныкталган.

Сексолог карантин жеке мамилеге кандай таасир берерин айтып берди

Окумуштуулар жума сайын төшөк мамилесинде активдүү болуп туруу кайсы бир деңгээлде көнүгүүлөрдү жасап машыккандай натыйжа берерин айтышкан. Андан сырткары, эрте өлүп калуу ыктымалдуулугун 49 пайызга азайтарын белгилешкен. Мындан жүрөк оорулары 21 пайызга, ал эми онкологиялык илдеттер 69 пайызга кыскарган.

Жыныстык катнаш убагында психикалык саламаттыкты колдоп, табигый өлтүргүч клеткалардын иш-аракетин стимулдаштырган химиялык зат бөлүнүп чыгат. Бул организмдин жаман илдеттерге каршы күрөшүүсүнө көмөктөшүү менен рактын жана вирустук оорулардын өнүгүшүн басаңдатып, өпкө инфекциясын алдын алары айтылган.

Жаңылыктар түрмөгү
0