БИШКЕК, 9-июл. — Sputnik. Элди кооптондурган билдирүүлөргө мамлекеттик органдар ыкчам жооп берип турууга тийиш. Бул тууралуу премьер-министр Кубатбек Боронов билдиргенин Республикалык штабдан кабарлашты.
Эске салсак, буга чейин соцтармак жана мессенджерлерде тик учак менен белгисиз зат чачылып жатат деген маалымат тараган.
"Жакында эле тик учак менен белгисиз зат чачылып жатат деген билдирүү социалдык түйүндөргө тарады. Пандемияга байланыштуу ансыз да элибизге моралдык-психологиялык жактан жеңил эмес болуп турат. Мындай кооптондурган билдирүүлөргө мамлекеттик органдар ыкчам жооп берип турууга тийиш", — деди Боронов.
Эске салсак, Кыргызстанда коронавирус жуктургандардын саны акыркы эки жумадан бери тездик менен өсүп, азыркы тапта 8 847 учур катталды.
Өлкө аймагындагы соңку кабарлар менен биздин Telegram-каналдан таанышыңыздар.
