БИШКЕК, 4-июл. — Sputnik. Бишкекте пневмонияга чалдыккан бейтаптарды дарылай турчу үч убактылуу стационар ачылганын өкмөттүн маалымат кызматы билдирди.
Убактылуу ооруканаларга башка аймактардан келген медицина кызматкерлери тартылган.
Алар төмөнкү даректе жайгашкан:
- Интернат №1 — 150 орун (Жибек Жолу проспектиси, 625);
- Discovery мейманканасы — 30 орун (Оренбург тар көчөсү, 31);
- Азиз жана көрүүсү начар балдар интернаты — 80 орун (Кулатов көчөсү, 37).
Боронов: Россияда иштеген кыргыз дарыгерлер жардамга даяр, учак менен алып келебиз
Мындан сырткары, дарыгерлерден жана Медициналык академиянын жогорку курстагы студенттеринен алты Тез жардам бригадасы түзүлүп, жумушка чыкканы айтылат.
Аймактардан келген дарыгерлердин баары менен санитардык нормаларды жана гигиена эрежелерин сактоо боюнча келишим түзүлөт. Өкмөт алардын маяналары КР мыйзамдарына ылайык төлөнүп бериле турганын билдирди.
