БИШКЕК, 1-июл. — Sputnik. Россия эмгек мигранттарын өз мекенине кайтуусун өз убагында жөнгө сала алды. Мындай билдирүүнү кечээ, 30-июнда, Москвада онлайн-форматта өткөн КМШнын Экономикалык кеңешинин отурумунда Кыргызстандын өкүлү Айгүл Рыскулова жасады.
Катышуучулар пандемиянын шартындагы КМШ мамлекеттеринин экономикалык алакасын талкууга алышты.
Рыскулованын айтымында, Кыргызстанда коронавируска каршы күрөш уланып жатканына карабастан ишкерлик активдешкени байкалууда.
"Мындай учурда тилектештик жана бири-бирибизди колдообуз өзгөчө маанилүү. Мен Россия эмгек мигранттарын өз аймагына келүүсүн өз убагында жөнгө сала алганы үчүн ыраазычылык билдиргим келет", — деди ал.
Ал ошондой эле кыргызстандыктарды мекенине жеткирүүдө чартердик каттамдарды уюштуруп берүүдөгү жардамы үчүн Кыргызстан Россияга ыраазы экенин белгиледи.
РФте миграциялык каттоого 15-сентябрга чейин баш оорутмай жок. Маанилүү кабар
Буга жооп катары РФ өкмөтүнүн башчысынын орун басары Алексей Оверчук Россиянын эмгек мигранттарына карата саясаты КМШ мамлекеттеринин өз ара карым-катышынын жакшырышына багытталганын билдирди.
"Чет элдик жарандар каттоого туруусунун мөөнөтүн узартпайт жана патентке төлөө да убактылуу токтотулду", — деп белгиледи ал.
Оверчук пандемия жана кризис шартында КМШнын алкагындагы кызматташтык башка мезгилдерге караганда азыр тыгыз болушу зарыл экенин белгиледи.
Көз карандысыз мамлекеттердин шериктештигинин (КМШ) Экономикалык кеңеши 1999-жылдын апрелинде түзүлгөн. Бул уюм эркин соода аймагын түзүү жана анын иштеши жана башка социалдык-экономикалык кызматташтык маселелери боюнча КМШ алкагында кабыл алынган макулдашууларды ишке ашырууну камсыз кылган башкы аткаруу органы болуп саналат.
Миграция кызматы сырттан кайткан 11 миң кишиге жумуш караштырып жатат
Эскерте кетсек, 2020-жылы КМШга Өзбекстан төрага болуп саналат. КМШнын Экономикалык кеңешинин кезектеги отуруму 11-сентябрда Ташкент шаарында өтөт.
