БИШКЕК, 30-июн. — Sputnik. Ырчы Болот Тасмаев мезгилсиз дүйнөдөн кайтты. Бул маалыматты маркумдун жакындары тастыктады.
Алардын айтымында, ырчы кант диабети менен ооруп келген.
"Бүгүн, 30-июнда, эртең менен канты көтөрүлүп ооруканага алып барышкан. Тилекке каршы, оорунун кесепетинен эки бөйрөгү иштебей калып, түштөн кийин саат 15.30дар чамасында үзүлүптүр", — дешти жакындары.
Тасмаевдин сөөгү эртең, 1-июлда, саат 11.00дө Бишкек шаарында жерге берилет.
"Тоолук кыз" ырын жазган композитор Кубанычбек Осмонов дүйнө салды
Болот Тасмаев 1971-жылы 3-январда Жалал-Абад облусунун Аксы районуна караштуу Кербен айылында туулган. Акын Кыялбек Урманбетовдун "Аманат" ырын аткарып чыгып эл оозуна алынган. Ошондой эле "Сен билген жоксуң", "Кусалык" деген ырлары менен калың элге таанылган.
