БИШКЕК, 26-июн. — Sputnik. Дүйнөлүк саламаттык сактоо уюму (ДССУ) 11 өлкөдө коронавирус жуктургандардын саны кескин өсүп кеткенине тынчсызданууда. Алардын арасында Кыргызстан дагы бар экенин ВВС жазды.
"ДССУ Армения, Швеция, Молдова, Түндүк Македония, Азербайжан, Казакстан, Албания, Босния жана Герцеговина, Кыргызстан, Украина жана Косоводо COVID-19га чалдыккандардын саны өскөнүнө тынчсызданууда. Бул өлкөлөр карантиндик чектөөлөрүн азайткан соң акыркы эки жумада ушундай кырдаалга тушукту", — деп айтылат макалада.
Мындан улам ДССУнун Европа боюнча аймактык директору Ханс Клюге бул аймактар чечкиндүү аракеттерди көрбөсө, саламаттык сактоо системасына бир топ күч келип каларын айтты.
Тумоолоп жаткандын баарыныкы коронавирус! Бишкек бийлиги элге кайрылды
Ошондой эле адистер дал ушул өлкөлөрдөгү кырдаал пандемияны кайрадан күч алдырып жатканын билдиришти.
Эске салсак, акыркы күндөрү Кыргызстанда коронавирус жуктургандардын саны күн сайын 200дүн тегерегинде болуп жатат. 25-июнь күнү COVID-19га кабылгандардын саны 3 954кө жетип, 43 киши каза болду.
