БИШКЕК, 25 июн — Sputnik. Эртең республиканын кээ бир райондорунда жамгыр жаап, күн күркүрөйт. Ал эми өлкөнүн бийик тоолуу райондорунда кар түшүшү ыктымал. Бул тууралуу Кыргызгидромет маалымдады.
Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.
Абанын температурасы Чүйдө +30...+35, Талас жергесинде +28…+33, Ош, Жалал-Абад, Баткен облустарында +30...+35, Ысык-Көл өрөөнүндө +20...+25 жана Нарын аймагында +18…+23 градус болору айтылды.
Бишкекте термометр +33...+35, Ош шаарында +33...+35 жана Чолпон-Атада +22...+24 градусту көрсөтөрү кабарланды.
