БИШКЕК, 24-июн. — Sputnik. 25-июнь, бейшемби күнү, өлкө аймагында күн ачык болуп, жаан-чачын күтүлбөйт. Бул тууралуу Кыргызгидромет маалымдады.
Батыштан соккон шамалдын ылдамдыгы секундасына 4-9 метрге жетет.
Абанын температурасы Чүйдө +30...+35, Талас жергесинде +29…+34, Ош, Жалал-Абад, Баткен облустарында +31...+36, Ысык-Көл өрөөнүндө +19...+24 жана Нарын аймагында +21…+26 градус болору айтылды.
Күндүн табы Бишкекте +33...+35, Ош шаарында +34...+36 жана Чолпон-Атада +21...+23 градуска чейин жогорулайт.
