БИШКЕК, 22-июн. — Sputnik. Бишкекте бет капсыз жүргөн жүргүнчүлөрдү аныктоо боюнча рейддер уланып жатканын муниципалитет билдирди.
Мындай иштер эпидемиологиялык кырдаалдын начарлаганына байланыштуу жасалып жатат.
Бишкек мэриясынын жарыялаган видеосунда кызматкерлери бет кап тагынбай жүргөн жүргүнчүлөрдү коомдук транспорттон түшүрүп салып жатканын көрүүгө болот.
Простите, но у нас нет другого выхода, кроме таких не очень вежливых мер: выгоняем пассажиров без маски🙌🙏😷 @ugtmeria @mptrolley pic.twitter.com/c7K9XQTekQ
— Мэрия города Бишкек (@bishkekcityhall) June 22, 2020
"Кечиргиле, бирок мындан башка аргабыз калбай калды. Маскасыз жүргөндү кууп чыгып жатабыз", — деп жазылат билдирүүдө.
Буга чейин мэрия ар бир аялдамада бет кап тагынууга чакырган муниципалдык кызматкерлер иштеп жатканын айткан болчу.
