БИШКЕК, 21-июн. — Sputnik. Жаңы Зеландиянын тургуну Мадлен Кирке Смиттин үлпөт тоюнда түшкөн сүрөтү аялдын эмчек рагына кабылганын билүүгө жардам берди. Бул тууралуу келин Facebook баракчасына жазганын РИА Новости билдирди.
Ага ылайык, салтанатта түшкөн сүрөттөрүн көрүп жаткан аял көкүрөк тушундагы шишикти байкап калган.
"Биз кадрга түшкөн күндүн эртеси эле дарыгерге бардык. Бул шишик сүт бездеринин рагы экен", — деп жазган Смит.
Аялдын айтымында, бир нече жыл мурда эле эмчегинде оорунун белгилери болгону менен дарыгерлер ага туура эмес диагноз коюп салышкан.
Дүйнөдө кызык окуялар көп. Буга чейин өзүн кош бойлуу деп ойлоп жүргөн Британиянын жашоочусу Жасмин Бирд организминдеги өзгөрүү өпкө рагынан болуп жатканын билген.
