Бишкек: үч автоунаа кагышып, бирөө дубалды сүзүп короого кирип кеткен. Видео

© © фото очевидца, отправленное по Telegram-каналуОсмонкул көчөсүндө болгон жол кырсыгы
Осмонкул көчөсүндө болгон жол кырсыгы - Sputnik Кыргызстан
Жазылуу
Алдын ала берилген маалыматтарга караганда, Toyota Sequoia, Mazda 626 жана Lexus GX автокөлүктөрү кагышкан.

БИШКЕК, 20-июн. — Sputnik. Борбор калаада үч автоунаа кагышып, жол кырсыгы катталды. Окуянын видеосу "Короче" Telegram-каналына жарыяланды.

Анда бир автокөлүктүн жол боюндагы турак-жайдын дубалын сүзүп, короого кирип кеткенин көрүүгө болот.

Бишкек шаардык жол кыймылынын коопсуздугун камсыз кылуу башкы башкармалыгынан аталган фактыны тастыктады.

"Кырсык болжол менен саат 20.05 чамасында Бишкек шаарындагы Осмонкул көчөсүндө болгон. Ал жерге тергөө тобу барган. Алдын ала маалыматтар боюнча, Toyota Sequoia, Mazda 626 жана Lexus GX автоунаалары сүзүшкөн", — деп милициядан кабарлашты.

Азырынча жабыркагандар тууралуу маалыматтар жок, тергөө иштери уланып жатат.

Жаңылыктар түрмөгү
0
Алгач жаңыларыАлгач эскилери
loader