БИШКЕК, 13-июн. — Sputnik. Жекшембиде күндүз айрым райондордо өткүн өтүп, тоолуу аймактарга кар түшүшү мүмкүн. Бул тууралуу Кыргызгидромет маалымдады.
Маалыматка ылайык, батыштан соккон шамалдын ылдамдыгы секундасына 4-9 метрге жетет.
Абанын температурасы Чүйдө +28...+33, Таласта +27...+32, Ош, Баткен жана Жалал-Абад облустарында +29…+34, Ысык-Көлдө +18...+23, Нарын өрөөнүндө +19...+24 градус жылуу болот.
Бишкек, Ош жана Чолпон-Ата шаарларында күн ачык болуп, борбор калаада +31...+33, Ошто +32...+34, ал эми Чолпон-Атада +19...+21 градус болору болжолдонду.
