Supercar Blondie аттуу блогер Дубайдагы ташталган жана талкаланган миңдеген автоунаалар сакталган жайды видеого тарткан. Бул тууралуу РИА Новости жазды.
Видеодон көрүнүп тургандай, автоунаалардын "мүрзөсүндө" ири көлөмдүү транспорт каражатынан кичинесине чейин ар кайсы жылдары, ар кайсы фирмадан чыккандары бар. Алар бул жайда түрдүү себептерден улам кармалып турганы айтылды. Бирок кийинчерээк анын баары аукционго коюлуп сатылат. Автоунаалардын көбү жарактан чыгып калган. Арасында бир да жери чийилбеген, абалы мыкты автоунааларды да көрүүгө болот. Маалыматка ылайык, алардын ээлери өлкөдөн качып кеткен.
Блогер Ferrari, Lamborghini, Maserati, Mercedes, BMW, Rolls Royce үлгүсүндөгү көлүктөрдү көрсөтүүгө басым жасаган. Булардан тышкары, Tesla компаниясынан чыккан жолтандабастарды да көрүүгө болот.
