БИШКЕК, 4-июн. — Sputnik. Буга чейин эл аралык аба каттамдарын 15-июндан баштап жаңылоо пландалып жатат деген маалымат чындыкка туура келбейт. Бул тууралуу Республикалык штабдан билдиришти.
Эске салсак, бүгүн брифинг учурунда Жарандык авиация агенттигинин директору Курманбек Акышев эл аралык авиакаттамдарды 15-июндан тарта жандантуу пландалып жатканын, учурда эки чет элдик компания учууга макулдугун бергенин айткан эле.
"Жарандык авиация агенттигинин директорунун эл аралык авиакаттамдардын жанданышы тууралуу билдирүүсүндө так эместиктер болду", — дешти штабдан.
Такталган маалымат боюнча, аэропортторду 15-июндан тарта эл аралык каттамдарды кабыл алууга даярдоо пландалып жаткан экен. Ал эми каттамдардын өзү боюнча өкмөттүн өзүнчө чечими чыгарылары айтылды.
