БИШКЕК, 3-июн. — Sputnik. Ice Universe деген жашыруун аты бар Twitter колдонуучусу смартфонду буза турган сүрөттү жарыялагандыгын РИА Новости жазды.
"Бул сүрөттү эч качан телефонуңарга жүктөбөгүлө. Экранга коём десеңер жаңылышасыңар. Ал Samsung смартфондорун иштен чыгарат! Эгерде кимдир бирөө жөнөтсө да ачпай кутулуш керек", — деп жазган автор 31-майда.
WARNING！！！
— Ice universe (@UniverseIce) May 31, 2020
Never set this picture as wallpaper, especially for Samsung mobile phone users!
It will cause your phone to crash!
Don't try it!
If someone sends you this picture, please ignore it. pic.twitter.com/rVbozJdhkL
Сүрөттө батып бара жаткан күн, тоо жана көл тартылган. Бир караганда эч кандай деле көйгөй жаратчудай көрүнбөйт. Анткен менен комментарийлерде ал сүрөттү телефондун экранына коём деп оозун күйгүзгөн кишилер маалыматты тастыкташкан. Сүрөттү смартфонго киргизген соң өчүп, жанып, өзүнөн өзү иштебей калат. Бул бир нече ирет кайталанат.
Ал эми бир катар колдонуучулар аппараттын ичиндеги маалыматтар да жоголуп кеткендигин билдиришкен.
— Muhammad Fakhri Hudana (@mfakhrihdnpng) June 1, 2020
Посттун автору Samsung компаниясы бул маселеге көңүл буруп, атайын жаңылай турган системаны караштырып жаткандыгын айткан.
