Бишкекте сатуучу, мамкызматкерлерден COVID чыгууда. Кайдан жуктурганы белгисиз

© Sputnik / Илья Питалев / Медиабанкка өтүүМосква во время режима самоизоляции жителей
Москва во время режима самоизоляции жителей - Sputnik Кыргызстан
Жазылуу
Мэр санитардык талаптар аткарылбай жаткандыктан оору басаңдай элегин айтып, дагы бир жолу калаа тургундарына бет кап, кол капты түшүрбөй кийип жүрүү керек экенин эскертти.

БИШКЕК, 30-май — Sputnik. Борбор калаада экономикалык ишмердүүлүк жанданаары менен коронавирус жуктургандардын саны көбөйө баштады. Бул тууралуу калаа мэри Азиз Суракматов брифинг учурунда билдирди.

Анын айтымында, акыркы күндөрү жарандар коронавирустун белгилери байкалгандыктан өздөрү дарыгерлерге кайрыла баштаган. Тилекке каршы, алар вирусту кайдан жуктуруп алганын билишпейт.

"Белгисиз адамдардан коронавирус жуктуруп алгандардын ичинде соода агенттери, сатуучулар, өнөр жай ишканаларынын кызматкерлери, мамлекеттик жана муниципалдык кызматкерлер бар. Бул деген адам вирусту жумуштан, транспорттон, соода борборлорунан жана базарлардан жуктуруп алышы толук мүмкүн дегенди түшүндүрөт", — деди Суракматов.

Мэр мунун баары санитардык талаптардын аткарылбагандыгынан улам болуп жатканын айтып, дагы бир жолу калаа тургундарына бет кап, кол капты түшүрбөй кийип жүрүү керек экенин эскертти.

Бишкек шаары боюнча 429 адамдан коронавирус табылган. Ооруга чалдыккандар 868 жаран менен байланышта болгону аныкталган. Шаар боюнча 342 адам көзөмөлдөн алынды.

Вирус жуккан 429 кишинин 112си медик, 44ү ички иштер органдарынын кызматкерлери болуп чыкты.

Коронавирустун кесепети

Госпиталь COVID-19 в ГКБ №15 имени О. М. Филатова - Sputnik Кыргызстан
Министрлик: айрымдар коронавируска ишенбей, өлкөдө абал курчуп жатат
Кыргызстанда коронавирус жуктуруп алгандардын жалпы саны 1722ге жетти. Анын ичинен 1113ү айыгып, 16сы каза болду.

11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

Жаңылыктар түрмөгү
0